MIRROR演唱會今晚尾場,特別多嘉賓,之前難得見到毛舜筠,今日更吸引到古天樂到場,他沒有受訪,但他一出現全場哄動,獲安排坐第一排,又與ViuTV總經理魯庭暉合照,有fans要求合照,古仔都來者不拒。另外今晚入場睇騷的嘉賓還有導師梁祖堯、DJ小儀、森美等。

古天樂與魯庭暉合照,有傳姜濤與英皇電影合作,未知古天樂會否帶更多MIRROR上大銀幕?
古天樂與魯庭暉合照,有傳姜濤與英皇電影合作,未知古天樂會否帶更多MIRROR上大銀幕?
坐第一排靚位!
坐第一排靚位!
花姐入場時觀眾起哄。
花姐入場時觀眾起哄。

今晚現場見到梁祖堯(阿祖),他表示自己是工作人員之一,故連續6晚都在場。談到MIRROR開騷接近尾聲,問他有何評價,阿祖說︰「一場比一場好,我會畀80分。因為我自己都係台上表演者,上台要有信心亦唔容易,一定畀高啲分。」

早前阿祖跟他們拍節目《調教你MIRROR》,他表示通過節目才認識他們:「之前我一首歌都唔識,連姜濤首《蒙着嘴說愛你》都唔識,到而家首首歌都識,我有買佢哋啲歌。」談到今次MIRROR的演唱會,阿祖坦言︰「今次演唱會好好睇,係我近年睇過最精采嘅演唱會,我帶阿媽、朋友嚟睇,好耐未睇過演唱會咁樣,大家又餓咗演唱會好耐,fans溫度又熱,好感動。」

阿祖看着MIRROR的12子,由沒信心到現在可獨當一面,他開心說︰「好似巨星咁,香港好需要明星,令我覺得好自豪。」當他聽到尾場門票炒到高達23萬一張時,阿祖呼籲大家不要買黃牛,「無論如何都唔應該支持黃牛飛,由佢哋吉晒啲位。」對於實名制買飛,阿祖不認同,認為不用搞到太複雜。

森美招親「女婿安」

森美本來想帶囡囡來,可是因為冇飛,沒辦法之下惟有代表她入場,他還說︰「本來想睇一半,畀阿女睇一半都開心,希望尊重佢哋個騷,所以睇晒佢,希望下次紅館帶到阿女去。」森美囡囡喜歡呂爵安(Edan),當知道阮小儀拿住「爵」字燈牌影相,森美笑謂︰「我身邊啲女人都一模一樣,我一陣要去搵呂爵安,遲啲我要叫佢『女婿安』。」現場fans即大叫起哄,森美續說︰「我諗好多香港嘅爹哋望住佢講可唔可以做我女婿呀,我諗係佢新花名,所以我今日會幫佢舉牌。」至於有份主持大台《開心大綜藝》的森美,不怕被指踩場,他笑指可以當他代表商台,並謂︰「冇乜所謂,音樂冇分疆界。」

一眾昨日講笑要賣黃牛發達的ViuTV成員,今日入晒場。
一眾昨日講笑要賣黃牛發達的ViuTV成員,今日入晒場。
「主考官」小儀再到九展支持Edan。
「主考官」小儀再到九展支持Edan。
森美說代表阿女入場睇Edan,更招親叫Edan做「女婿安」。
森美說代表阿女入場睇Edan,更招親叫Edan做「女婿安」。
阿祖拍節目《調教你MIRROR》才第一次與12子合作,今次演唱會有份做工作人員,6場都要睇騷兼開工。
阿祖拍節目《調教你MIRROR》才第一次與12子合作,今次演唱會有份做工作人員,6場都要睇騷兼開工。
「MIRROR好似巨星咁,香港好需要明星。」祖說。
「MIRROR好似巨星咁,香港好需要明星。」祖說。
楊偲泳一個人入場,未見他男友張振朗。
楊偲泳一個人入場,未見他男友張振朗。
欣宜瘦咗。
欣宜瘦咗。
余迪偉。
余迪偉。