現年42歲的陸浩明出席公開活動時提及早前曾志偉批評ViuTV節目題材偏門,只能與J2比較,遭ERROR成員193(郭嘉駿)明寸:「J2係咩嚟?40幾歲仲做《#後生仔傾吓偈》嗰個?」躺著中槍的陸浩明表示絕對不介意:「好多謝有留意我哋節目。冇所謂,我最欣賞後生仔嗰種創意,同埋嗰種豁達心態。」 談到193被指不尊重前輩,6號就回應道:「做呢行好多嘢都要跌跌碰碰,喺經驗中學習,我哋細細個以前都會錯,所以我覺得唔好畀框架自己,做返自己係最正!」 陸浩明與馮盈盈已成為《後生仔》的代表人物,曾志偉回巢後更受重用。 陸浩明反寸:唔通兒童節目就搵小朋友主持? 陸浩明身旁的馮盈盈亦回應說:「我哋就係J2最偏門嘅節目, 搵我哋兩個做咪好偏門囉,討論嘅題目都好偏門!」至於再主持《#後生仔傾吓偈》會否尷尬?,陸浩明就話唔會:「我嘅角色就好似領隊,盡主持責任帶領年輕人說話,正如網友話齋,唔通兒童節目就要搵小朋友主持咩?」 馮盈盈亦幫口撐,對於6號被寸老,她指對方經常在節目中幫眾人打圓場:「我哋年輕人經常衝口而出講錯嘢,好在有佢幫我哋兜,佢係一個好前輩。」

唔敢再提ViuTV 被記者問到有否看友台節目知己知彼,陸浩明推搪說:「咩台都睇,只要有好節目都會睇,日本、韓國、俄羅斯嘅節目都有睇,(咁ERROR嘅節目呢?)我工作較忙,真係冇乜時間!」就連自稱「姜糖」的馮盈盈被問有否看姜濤的節目,她不敢再多說一句,她只說:「工作忙冇乜時間睇呀!」 193因為寸嘴而上位,對於當日話無綫係畀啲老嘢睇,193自我檢討後都覺得自己無禮,日前表示會改口叫「耆英」。 ERROR最近人氣急升,曝光率拍得住人氣男團MIRROR。