林雪在新戲《真‧三國無雙》中飾演性情殘暴、荒淫好色的「董卓」,可是由於拍攝《真》片時正值暑假,在酷熱天氣下,林雪坦言即使今次角色艷福不淺,但亦無福消受。「啲女着到『薄切切』,大家出晒汗,人有體味,嘩!真係頂佢唔順!幾靚女都好,你話我開唔開心呀?我覺得係一種折磨,啲體味搞唔掂,你唔好見我咁肥咁輪盡,我人就唔挑剔,但味覺幾挑剔。」

除了被低胸女包圍,林雪在戲中亦要披甲上陣拍攝戰爭打鬥場面,手執巨大鋸齒刀策馬殺敵的他,少不免損手爛腳,他謂整親時都只得個「忍」字:「你話拍古裝辛唔辛苦?講唔辛苦就呃人嘅。喺新西蘭騎嗰啲馬,本身野外放牧,冇咁易馴服,一轉彎直情想將我成個人拋落地,結果扭親條腰,好在側邊有個當地馬伕扶住我,如果唔係後果好嚴重,不過拍出嚟真係好好睇,辛苦都值得。」

即使低胸女埋身,但林雪卻難頂體味,笑言無福消受。
即使低胸女埋身,但林雪卻難頂體味,笑言無福消受。
林雪在戲中要和飾演呂布的古天樂爭美人貂蟬,雪哥笑說:「我同呂布爭女?邊有得爭呀?全部都係佢嘅。」
林雪在戲中要和飾演呂布的古天樂爭美人貂蟬,雪哥笑說:「我同呂布爭女?邊有得爭呀?全部都係佢嘅。」
林雪在新西蘭拍戰爭場面的戲份時,險被拋落馬,結果扭傷腰。
林雪在新西蘭拍戰爭場面的戲份時,險被拋落馬,結果扭傷腰。